Өтінім жіберу

Ұнаған қызмет иесіне іс-шара күніңізді жіберіп, бос екенін сұрайсыз. Өтінім — бронь да, төлем де емес: алдымен маман күнді растайды, содан кейін жалпы құны мен шарттарын келісесіз.

Клиентке

Өтінім жіберу үшін аккаунтқа кіруіңіз керек. Кірмеген болсаңыз, қосымша алдымен кіру бетін ашады, ал сайтта батырма + Тойға қосу үшін кіріңіз болып тұрады.

Өтінімді жіберу

Қосымшада

Қызметтің бетін ашыңызБасты беттен, іздеуден немесе таңдаулылардан керек қызметті тауып ашыңыз. «Қолжетімділік» бөлімінде Күнді таңдау арқылы іс-шара күнін таңдасаңыз, бетте сол күннің күйі жазылады: «Күнтізбе бойынша бос», «Бос емес — басқа күнді таңдаңыз» немесе «Маманнан нақтылау керек».
Төменгі панельдегі Өтінім қалдыру батырмасын басыңызОның сол жағындағы шаршы батырма — маманға чатпен жазу. Бағасы мен шарттарын алдымен сұрағыңыз келсе, соны басыңыз: Қызмет иесімен чат.
Өтінім формасын толтырыңызТілектен басқа өрістердің бәрі міндетті.
- Іс-шара күні — таңдап қойған күніңіз өзі толады; өткен күнді таңдауға болмайды
- Зал — тек залдары бар орындарда
- Қонақ саны — орындарда (тойхана, мейрамхана…) сұралады және залдың сыйымдылығына сай болуы керек
- Басталу уақыты
- Атыңыз және Телефон — маман сізбен осы нөмір арқылы байланысады
- Тілектер — нені ескеру керек (міндетті емес)
Өтінім жіберу басыңыз«Өтінім жіберілді» беті шығады: «Маман оны алып, жауап береді. Бронь мен төлем — тек келісімнен кейін.» Өтінімді көру өтінімнің өз бетін ашады, Іздеуді жалғастыру — іздеуге қайтарады.

Қосымшадағы формада баға сұралмайды: жалпы құны мен шарттарды маман күнді растағаннан кейін келісесіз.

Сайтта

Қызметтің бетін ашыңызКаталогтан немесе іздеуден керек хабарландыруды тауып, үстінен басыңыз.
+ Тойға қосу батырмасын басыңызНемесе «Қолжетімділік (30 күн)» күнтізбесінен бос күнді басыңыз — сол күн өзі толтырылады. Каталогтағы карточкада да Тойға қосу бар.
Терезедегі өрістерді толтырыңыз
- Той санаты — қай қызмет үшін (тойхана, асаба, әнші…)
- Зал — тек тойхана болса
- Той күні
- Қонақ саны — тек орындар үшін
- Атыңыз — сізге қалай жүгінуге болады
- Байланыс телефоны — қызмет иесі сізбен осы нөмір арқылы хабарласады
- Келісілген баға (₸) және Уақыты — бұл сіздің өз ойыңыздағы сома: ол келісім емес, соңғы бағаны кейін бірге келісесіз
- Жазба (міндетті емес) — тілек, сұрақ
Сұраныс жіберу батырмасын басыңызСайтта «Той ұйымдастыру» бетіне өтесіз, үстінде «Сұраныс жіберілді» деген жазу шығады.

Жібергеннен кейін

Қосымшада өтінім «Менің өтінімдерім» тізімінде тұрады, сайтта — «Той ұйымдастыру» бетінде, тиісті санат қадамында карточка болып. Тізімді «Той» бөлімінен, жібергеннен кейінгі Өтінімді көру арқылы, хабарламадан не Қолдау чатындағы «Күйін қайдан көремін?» жолынан ашасыз. Өтінімнің қазіргі кезеңі:

Кезеңі	Не білдіреді
Жауап күтуде (сайтта — Күтілуде)	Қызмет иесі әлі жауап бермеді.
Бос екені расталды (сайтта — «Маман күнді растады»)	Маман сол күннің бос екенін растады. Күн әлі бекітілген жоқ, бағасы да келісілмеген. Келесі қадам — жалпы құны мен шарттарды келісу: Келісімді өзгерту.
Келісім расталды (сайтта — Қабылданды)	Жалпы құны мен шарттар келісілді: олар «Келісілген шарттар» блогында тұрады, ал күн маманның күнтізбесінде «Бос емес» болады. Маманның аты мен телефоны көрінеді, оған қоңырау шалуға болады.
Маман қолжетімсіз (сайтта — «Қабылданбады»)	Маман күннің бос емес екенін айтты не оған басқа той бекітілді — бір күнге (залы бар орында — бір залға) бір той ғана бекітіледі. Қосымшада өтінім тарихта қалады, ал басқа маманды Басқа қызмет табу арқылы іздейсіз; сайтта карточка жоспардан кетеді.
Сіз бас тарттыңыз, Маман бас тартты	Өтінім немесе келісім тоқтатылды: Өтінімнен және келісімнен бас тарту.

Қызмет иесі сіздің телефоныңызды өтінім келген сәттен көреді. Сіз оның нөмірін келісім расталғаннан кейін көресіз. (Хабарландыру бетіндегі Телефонды көрсету бұрынғыдай бәріне ашық.)

Бір сағатта 20-дан артық өтінім жіберуге болмайды.

Қате хабарлары

Хабар	Не істеу керек
Өзіңіздің хабарландыруыңызды тойға қоса алмайсыз.	Бұл — сіздің өз хабарландыруыңыз. Басқа қызмет иесін таңдаңыз.
Бұл хабарландыру осы күнге бұрыннан қосылған немесе өңделіп қойған.	Осы күнге бұл қызметке өтінімді бұрын жібергенсіз. «Менің өтінімдерім» тізімінен немесе сайттағы «Той ұйымдастыру» бетінен қараңыз.
Той күні дұрыс емес немесе өтіп кеткен.	Бүгінгі немесе кейінгі күнді таңдаңыз.
Бұл күн бос емес: оған басқа той бекітілген немесе күн жабық.	Бұл күнге қызмет иесінде басқа той бар немесе ол күнді өзі жапқан. Басқа күнді немесе басқа қызмет иесін таңдаңыз.
Бұл зал 100–400 қонаққа арналған. (Сандар залға қарай әртүрлі.)	Қонақ санын залдың сыйымдылығына сай жазыңыз немесе басқа залды таңдаңыз.
Байланыс телефонын дұрыс енгізіңіз.	Нөмірді толық жазыңыз, мысалы +7 7XX XXX XX XX.

Шарттарды кейін өзгерту: Келісімді өзгерту. Бас тарту: Өтінімнен және келісімнен бас тарту.