Хабарландыру беті

Бетте не бар

• Суреттер мен видео — қосымшада «Фото және видео» таспасы: көрсеткілермен немесе нүктелермен ауыстырасыз, видеода «Видео» белгісі тұрады; суретті басса, толық экранда ашылады. Сайтта да суретті басса, толық экранда ашылады.
• Қысқаша және толық сипаттама.
• Баға — соманың жанында «-ден бастап» және неге арналғаны (адамға, іс-шараға, сағатына, пакетке, шығуға) жазылуы мүмкін; баға келісімді болса — «Келісімді баға», көрсетілмесе — «Бағасы көрсетілмеген». Одан басқа Санат, Өңір, жарияланған күні.
• Қосымша жолдар — қонақ саны (мысалы, «100–400 қонақ»), бағдарлама тілі, ұзақтығы және портфолио сілтемесі; қызмет иесі көрсеткен жағдайда ғана шығады.
• Авторы — қызмет иесінің аты (қосымшада «Орындаушы»). Басқанда оның барлық белсенді хабарландырулары ашылады.
• Ұқсас қызметтер — сол санаттағы басқа хабарландырулар.

Бағасы мен шарттары

Қосымшада «Қызмет туралы» блогындағы Бағасына не кіреді жолы «Бағасы мен шарттары» бетін ашады. Онда «Негізгі шарттар» — хабарландыруда көрсетілген баға, қонақ саны, тіл, ұзақтық — және «Тапсырыс алдында нақтылаңыз» деген кеңес тұрады: қызмет түріне қарай нені сұрау керек (мысалы, мәзір, түсірілім мерзімі, күту уақыты). Бұл — қызмет иесінің жеке тарифі емес, тек сұрақтар тізімі. Шарттарды нақтылау қызмет иесімен чатты ашады, ал Өтінім қалдыру — өтінім формасын.

Бос күндер

Сайтта «Қолжетімділік (30 күн)» бөлімінде қызмет иесінің күнтізбесі тұр. Түстері: Бос, Бос емес, Қолжетімсіз, Нақтылау керек (күн әлі нақты емес — өтінім жіберіп, жауап күтесіз), ал Ескертпе — қызмет иесі сол күнге жазба қалдырған. Айдан айға көрсеткілермен ауысасыз немесе «Айға өту» арқылы керек айды ашасыз. Тойханада әр залдың өз қойындысы бар.

Аккаунтқа кірген болсаңыз, болашақтағы бос күнді басыңыз — сол күнмен брондау терезесі ашылады. Қараңыз: Өтінім жіберу.

Қосымшада «Қолжетімділік» блогында Күнді таңдау басып, іс-шара күніңізді таңдайсыз — бетте сол күннің күйі жазылады: «Күнтізбе бойынша бос», «Бос емес — басқа күнді таңдаңыз» немесе «Маманнан нақтылау керек». Қызмет иесінің жария ескертпесі болса, ол «Маман ескертпесі» болып ашылады. Толық ай күнтізбесін Күнтізбені көру арқылы көресіз.

Байланысу

• Телефонды көрсету — сайтта бірінші басқанда нөмір көрінеді, екінші басқанда көшіріледі («Нөмір көшірілді!»). Қосымшада ол «Қызмет туралы» блогындағы жол: басқанда нөмірдің өзі шығады, оны тағы бассаңыз — қоңырау шалынады.
• Чат — қосымшада төменгі панельдегі шаршы батырма («Маманға жазу»): қызмет иесіне чатпен жазу. Қараңыз: Қызмет иесімен чат.
• Өтінім қалдыру — қосымшада төменгі панельде, чат батырмасының жанында. Сайтта оның орнына + Тойға қосу тұр; кірмеген болсаңыз: + Тойға қосу үшін кіріңіз. Екеуі де өтінім жібереді, бронь емес: Өтінім жіберу.
• Instagram батырмасы — қызмет иесі көрсеткен болса.

Басқа батырмалар

• Бөлісу — сайтта Бөлісу беттің сілтемесін көшіреді («Сілтеме көшірілді»), қосымшада жоғарғы оң жақтағы бөлісу белгісі.
• Жүрекше — таңдаулыларға қосу (қосымшада — Таңдаулыға). Қараңыз: Таңдаулылар.
• Шағымдану — хабарландыру ережені бұзса. Қосымшада ол беттің ең төменгі жағында. Қараңыз: Шағым беру.